உங்களிடம் உள்ள ஏதேனும் குறிப்பிடத்தக்கத் திறமையை நீங்கள் தொழிலாக செய்யலாம். உதாரணத்திற்கு டியூசன் எடுக்கலாம். அல்லது உங்களது வாய்ஸ் நன்றாக இருக்கும்பட்சத்தில் வாய்ஸ் கொடுப்பது, கட்டுரைகளை எழுதிக் கொடுக்கலாம் என பல வகையில் வருமானம் பெறலாம். இதற்கு ஒரு ஸ்மார்ட்போன் இணைய வசதியுடன் இருந்தாலே போதுமானது.
உங்களது வீட்டில் உங்களது பயன்பாட்டிற்குப் போக எஞ்சியிருக்கும் அறைகள் அல்லது வீடுகளுக்கு வாடகைக்கு விட்டுச் சம்பாதிக்கலாம். இதன் மூலம் உங்களால் கணிசமான லாபத்தினை பெற முடியும். இதற்காக நீங்கள் தனியாகச் செலவு செய்ய வேண்டிய அவசியம் இல்லை. கூடுதலாக உங்கள் வீட்டில் இருக்கும் அறைகளை வாடகைக்கு விடுவதன் மூலம் சம்பாதிக்க முடியும்.
குறைந்த முதலீடாக இருந்தாலும், டிவிடெண்ட் கொடுக்கும் பங்குகளில் முதலீடு செய்வதன் மூலம் கூடுதல் வருமானம் பார்க்க முடியும். டிவிடெண்ட் என்பது நிறுவனங்கள் லாபத்தில் முதலீட்டாளர்களுக்கு வருமானத்தைப் பகிர்ந்து அளிக்கும் வருமானமாகும். குறைந்த ஆபத்துள்ள வழியைத் தேடும் முதலீட்டாளர்களுக்கு இவை நல்ல வாய்ப்பாக அமையும். பங்குச் சந்தையில் எந்த உத்தரவாதமும் இல்லை என்றாலும், டிவிடெண்ட் பங்குகள் நிலையான வருமானத்தை வழங்க முடியும். இது காலப்போக்கில் அதிகப் பணம் சம்பாதிக்க உதவும்.
ஆன்லைனில் கட்டண சர்வே சேவையினை செய்வதன் மூலம் வருமானம் பெறலாம். இங்கு ஆன்லைனில் பலவிதமான சேவைகள் உள்ளன. அவற்றில் சரியானதொரு ஒன்றை நீங்கள் சம்பாதிக்கலாம். பெரும்பாலும் இது போன்ற சேவைகள் மூலம் குறைந்த அளவில் வருமானம் பார்க்க முடியும். இது குறைந்த செலவில், சிறிது சிறிதாகக் கூடுதல் பணம் சம்பாதிக்க எளிதான வழியாக இருக்கலாம்.
நீங்கள் சமூக ஊடகங்களில் அதிகமான பின் தொடர்பவர்களை வைத்திருந்தால், பிராண்டுகளுடன் சேர்ந்து விளம்பரப்படுத்தலாம். இதன் மூலம் நீங்கள் பணம் சம்பாதிக்கலாம். எனினும் இது அதிகளவில் பின் தொடருபவர்களை வைத்து கொண்டிருப்பவர்களுக்குப் பொருந்தும் எனலாம்.
வெப் டிசைனிங், ஆன்லைன் டேட்டா என்ட்ரி, பர்சனல் ட்ரெய்னர், விளையாட்டு சொல்லிக் கொடுப்பது, ஸ்போக்கன் இங்கிலீஷ், மரவேலைப்பாடு, நூல் எம்ப்ராய்டரி, அனிமேஷன் டிசைனிங், வீடியோ எடிட்டிங் செய்தல், வீடியோகிராபர், போட்டோகிராபர், சிறிய அளவிலான போட்டிக், சிறிய அளவிலான உணவகம், ஆங்கிலம் ஹிந்தி தெரிந்திருந்தால், உங்களால் டிரான்ஸ்லேஷன் செய்ய முடியும் எனலாம். டிராவல் பிளானர், அழகு கலை சேவை, கிராப்ட் சேவை, ஜிம் ஓனர், காஃபி ஷாப், சமூக வலைத்தளத்தினை கையாளுதல், வாய்ஸோவர் ஆர்டிஸ்ட், கேண்டி விற்பனையாளர், டேகேர், என பல சேவைகளைச் செய்யலாம். இதற்குப் பெரியளவில் யாரும் முதலீடு செய்ய வேண்டியதில்லை.